തെറ്റ് --------------------------- അറിവ് പകരേണ്ടവൻ ആരാച്ചാരായി മാറിയപ്പോൾ സ്വാതന്ത്ര്യവും സമത്വവും അറിവുള്ളവൾക്ക് വിവേചനമെന്നത് അറിവിനപ്പുറം അനുഭവവുമായിരുന്നു. എന്റെ പേരും ശിരോ വസ്ത്രവുമായിരുന്നോ തെറ്റ് ? ഉത്തരമെന്നത് പോലെ മുഴങ്ങിയത് ഉത്തരത്തിൽ തൂങ്ങിയാടുന്ന രണ്ട് കുഞ്ഞുടുപ്പുകളായിരുന്നു. പാവാടച്ചരട് മുറുക്കിക്കെട്ടാൻ പഠിച്ചു വരുന്ന ഞങ്ങൾക്ക് സ്വയം കയറു മുറുക്കി തൂങ്ങാനുള്ള പ്രാപ്തിയില്ല. പെണ്ണായി ജനിച്ചതാണോ ഞങ്ങൾ ചെയ്ത തെറ്റ് ? രണ്ടിനും മറുപടിയായി ഒരു തള്ളപ്പൂച്ച പറഞ്ഞു. മൃഗമായ എനിക്ക് പോലും രക്ഷയില്ല. ഒന്നല്ല രണ്ട് ജീവനെയാണ് കൊന്നത്. ആത്മഹത്യയെന്ന് ഇത് വരെ ആരും പറഞ്ഞില്ല.. സത്യത്തിൽ എന്തായിരുന്നു ഞാൻ ചെയ്ത തെറ്റ് ? നിവിൻ എബ്രഹാം വാഴയിൽ